Anthony Joshua ka bërë një postim në profilin e tij privat në rrjetin social Facbook pas fitores ndaj Carlos Takam, ku mbrojti dy tituj në peshat e rënda të boksit.
Boksieri britanik ka arritur ta mposht mbrëmë (e shtunë) boksierin kamerunaso-francez, Takam, për t’i mbrojtur me sukses titujt e IBF dhe WBA.
Joshua fitoi ndeshjen në raundin e dhjetë në saje të një nokauti teknik, ku gjyqtari ndërpreu ndeshjen pas sulmeve të mëdha të britanikut.
Pas mbrojtjes së dy titujve dhe fitores ndaj Takamit, Joshua u shpreh i kënaqur, por njëkohësisht tha fjalë të mëdha për kundërshtarin e tij.
27-vjeçari anglez ka shprehur respekt për kundërshtarin e tij 36-vjeçar edhe në postimin e bërë në rrjetet sociale pas ndeshjeve.
“Respekt për Takamin. Pozitive për vitin 2018”, ka shkruar Joshua në profilin e tij privat në Facebook.
Ndryshe, pas ndeshjet Takam ka reaguar duke shprehur pakënaqësi ndaj vendimit të gjyqtarit për ndërprerjen e ndeshjes, duke kërkuar edhe rimeç.
Në anën tjetër, Joshua ka edhe disa boksier tjerë në listë për tu ndeshur në vitin 2018 si Deontay Wilder, Joseph Parker dhe Tason Fury. /Telegrafi/
