Jordi Alba i ka mirëpritur lajmet e interesimit të Barcelonës për lojtarë të mëdhenj si Erling Haaland dhe Kylian Mbappe, por ka theksuar se ai nuk ka asnjë fjalë për çështjet e transferimit në Camp Nou.
Spekulimet në lidhje me synimet e supozuara për Blaugranat kanë filluar të grumbullohen me afrimin drejt afatit kalimtar të verës.
Ylli i Borussia Dortmund, Haaland dhe ai i Paris Saint-Germain, Mbappe, thuhet se figurojnë dukshëm në radarin e klubit nga Katalunia, por ata kushtojnë shumë dhe mund të presin që të kenë disa opsione të tjera për të shqyrtuar nëse ka oferta.
Mbrojtësi i Barcës, Alba, ka folur tashmë rreth thashethemeve që e lidhin ekipin e tij me një transferim të Haaland dhe Mbappe.
“Ata janë lojtarë të rinj që po vijnë fortë dhe janë në një nivel të shkëlqyeshëm. Ata janë lojtarë të shkëlqyeshëm, ata janë të pranishëm tashmë …. por unë nuk vendos”, ka thënë fillimisht Alba për gazetën katalunase Sport.
Mbetet të shihet nëse bëhen ndonjë lëvizje kur hapet afati i transferimeve të verës dhe nëse Alba mund të luajë përkrah tyre.
Mbrojtësi ka thënë se do të qëndrojë pranë për të ndihmuar të shtyjë ekipin përsëri në garë për çmimet më prestigjioze, me 31-vjeçarin që shpreson se do t’i jepet një shans për të mbyllur karrierën në Camp Nou.
“Unë ende e shoh që pensioni është mjaft larg. Ndihem mirë, fizikisht dhe mendërisht, por është e vërtetë që ditën që do të pensionohem, e cila shpresoj të jetë pak larg, do të doja të isha në Barça, klubi që mbaj në zemrën time dhe kam kaluar pothuajse tërë jetën time”, përfundoi ylli spanjoll. /Telegrafi/