Pesë vjet pasi prezantoi gabimisht Idina Menzel si Ad Adele Dazeem në mbrëmjen e ndarjes së çmimeve “Oscars”, John Travolta ka goditur përsëri me një gabim në një shfaqje çmimesh të mëdha.
Ndërsa prezantoi çmimin “Videoja më e mirë e vitit” në MTV Video Music Awards të hënën në mbrëmje së bashku me Queen Latifah, ylli i Pulp Fiction gaboi duke iu drejtuar Jade Jolie, për çmimin që në të vërtetë e fitoi këngëtarja Taylor Swift, shkruan DailyMail, transmeton Telegrafi.
Pasi Latifah njoftoi se Swift ishte fituese për klipin e saj “You need To Calm Down”, aktori 65-vjeçar iu drejtua Joliet me trofeun e MTV VMA, i njohur si “Njeriu me hënë”.
Në momentin që e pa se kishte bërë gabim, Travolta vetëm rrahu shpatullat e Jade Jolie, e ndërsa priti Taylor Swiftin që të vinte në skenë.
Legjenda e aktrimit më pas ktheu kokën anash dhe filloi të kërkonte të vërtetën, Taylor Swift.
Ndërkohë, këngëtarja ishte ende duke përqafuar disa njerëz rreth saj, në momentin që iu kumtua lajmi se ajo ishte fituese e këtij çmimi.
Sigurisht që ajo doli në skenë dhe mbajti një fjalim shumë mirënjohës dhe të përulur, duke falënderuar përkrahësit e saj ndërsa përmendi komunitetin LGBT dhe Aktin e Barazisë. /Telegrafi/
