Sulmuesi i Napolit, Victor Osimhen ‘e do’ Chelsean dhe dëshiron të bashkohet me klubin e Ligës Premier, sipas John Obi Mikel.
Nigeriani, i cili ka shënuar 72 gola në 122 paraqitje për Napolin, ka tërhequr interesimin nga Blutë dhe Paris Saint-Germain përpara afatit kalimtar të verës.
Presidenti i Napolit, Aurelio de Laurentiis, ka konfirmuar tashmë se sulmuesi, i cili ka një klauzolë lirimi midis 130 milionë euro në kontratën e tij, do të largohet në fund të sezonit.
Dhe Mikel, i cili ndan një marrëdhënie të ngushtë me Osimhen, pretendon se 25-vjeçari është i etur për një lëvizje në Stamford Bridge.
“Unë jam ende agjent i Osimhenit, duke u përpjekur ta çoj atë në Chelsea! Unë kam 20 për qind të asaj marrëveshjeje, kështu që shpresoj që të funksionojë”, ka thënë Mikel në Samitin e Uebit në Katar të enjten.
Kur u pyet nëse Osimhen bashkohet me Chelsean është një ‘mundësi e vërtetë’, Mikel u përgjigj: “Unë mendoj se ka interesim të vërtetë mes të dyja palëve. Mendoj se ai e do klubin, ai dëshiron të vijë në klub”.
“Natyrisht, ai dëshiron të ndjekë gjurmët e mia si një lojtar nigerian që ka luajtur për Chelsean – Victor Moses, Celestine Babayaro, jo shumë prej nesh. Londra po ashtu, qytet fantastik, në vend që të shkosh në Liverpool apo vende të tilla, dëshiron të jetosh në Londër”.
“Por, ai gjithashtu ka shumë interesim nga klube tjera. Paris Saint-Germain, Man United. Unë jam ende duke i bërë presion, duke i dërguar mesazhe, duke u përpjekur të sigurohem që ai të mos presë shumë, të kufizoj mendjen te një klub – Blutë”, ka shtuar më tej Mikel. /Telegrafi/