Ashtu siç edhe pritej, Joao Mario, është kthyer në skuadrën e Interit pas lëndimit që pësoi para takimit ndaj Milanit.
Portugezi është pjesë e skuadrës për takimin ndaj Napolit të shtunën mbrëma.
Ai ka zhvilluar stërvitjen e plotë dhe pritet të luajë ndaj napolitanëve, të cilët këtë sezon dukën të frikshëm për kundërshtarët.
Por, një fat i mirë nuk e ka ndjekur Marcelo Brozovic, kjo pasi kroati nuk ka arritur të rikuperohet nga lëndimi muskulor.
Më poshtë keni skuadrën e plotë të Luciano Spallettit ndaj Napolit:
Handanovic, Padelli, Berni; Cancelo, Ranocchia, Santon, Miranda, Dalbert, D’Ambrosio, Skriniar, Nagatomo; Gagliardini, Joao Mario, Vecino, Valero; Icardi, Karamoh, Eder, Perisic, Candreva, Pinamonti.
Aktualisht Napoli ka 24 pikë në pozitën e parë, dy më shumë se Interi në të dytën.
Ndeshja e fundit e Napolit në Serie A ishte fitorja ndaj Romës me rezultat 0-1, kurse zikaltrit ndaj Milanit me rezultat 3-2. /Telegrafi/