Kosova do të përballet sonte (6 shtator) me Greqinë në kuadër të Ligës së Kombeve.
Përfaqësuesja jonë do të jetë nikoqir i grekëve në takimin që fillon në ora 20:45 në stadiumin “Fadil Vokrri”.
‘Dardanët’ do kërkojnë të marrin fitoren me çdo kusht, pasi në takimin e parë me Moldavinë barazuan 1-1 në Parma të Italisë.
Herolind Shala, Elbasan Rashani, Milot Rashica, Hekuran Kryeziu, Idriz Voca, Benjamin Kololli, Florent Muslija, Leart Paqarada, Vedat Muriqi dhe Edon Zhegrova janë mungesat e mëdha të Kosovës.
Por, edhe Greqia do të ketë mungesa të theksueshme si ai i, Kostas Manolas (Napoli), Sokratis (Arsenal) dhe Tsimikas (Liverpool).
Gjendja në Ligën C është e baraspeshuar, pasi Kosova, Greqia, Sllovenia dhe Moldavia kanë nga një pikë, mirëpo sonte pritet të ndryshojë renditja tabelore. /Telegrafi/