Edon Zhegrova ia ka fituar tre pikë Baselit në kuadër të javës së dhjetë në Superligën e Zvicrës.
Fitorja 1-0 e skuadrës së reprezentuesit të Kosovës i mori tre pikë të mundimshme, pasi goli u realizua në minutat e fundit të takimit.
Fillimisht, Zhegrova u inkuadrua në fushë në minutën e 65-të, në vend të Valentin Stocker.
Për më shumë, Baseli mbeti me dhjetë lojtarë në fushë, shkaku që Eray Comert u ndëshkua me karton të kuq në minutën e 88-të.
Dy minuta më vonë, Edon Zhegrova shpartalloi mbrojtjen kundërshtare, duke realizuar një gol brilant nga jashtë zona.
Ky ishte goli i dytë deri më tani në këtë edicion për lojtarin e Dardanëve, gjersa ka edhe tri asistime. /Telegrafi/
🇽🇰🇨🇭 | OUR STARBOY 😍💙
Edon Zhegrova saves Basel in the last minutes by scoring and securing all 3 points against Sion!
— Dardanian Footy (@DardanianFooty) October 17, 2021