Disa javë më parë, Eden Hazard dhe Real Madrid ranë dakord reciprokisht të shkojnë në rrugë të ndara.
Që nga transferimi i tij në Spanjë, belgu 32-vjeçar nuk ka mundur të performojë në mënyrën më të mirë.
Tani që ai është lojtar i lirë, ka pasur zëra për rikthimin e tij në Belgjikë. Është përmendur se Anderlecht mund të jetë i interesuar për nënshkrimin e tij.
Jesper Fredberg, drejtori sportiv i Anderlecht vendosi të hedhë poshtë thashethemet, duke thënë se ai nuk është tipi i lojtarit që ata po kërkojnë.
“Unë kurrë nuk do të kisha thënë një fjalë të keqe për Eden Hazard, një lojtar që kishte një karrierë të shkëlqyer”, ka deklaruar drejtori i klubit belg.
“Por, ai nuk është lloji i lojtarit që na nevojitet për projektin tonë”.
“Ajo që është e bukur në futboll është se ka stile të ndryshme loje. Hazard është një lojtar i mrekullueshëm, por ne duhet të gjejmë pjesët e duhura për enigmën tonë”, ka shtuar më tej Fredberg. /Telegrafi/