I është dhënë lamtumira e fundit ish-anëtarit të labelit Babastars, Albert Krasniqit.
Biznesmeni dhe miku i afërt i estradës shqiptare u përcoll për në banesën e fundit pak çaste më parë.
Ai u varros në Varrezat e Qytetit në lagjen Dragodan të Prishtinës.
Ceremonia e varrimit është zhvilluar me një numër të madh njerëzish, ndërsa në mesin e tyre e pranishme ka qenë Besa Gashi, me të cilën raportohet se u nda pak muaj më parë.
Gjithashtu, për t’i dhënë lamtumirën e fundit mikut të tij të ngushtë ishte edhe reperi Skivi.
Albert Krasniqi ndryshe është privuar nga jeta ditën e djeshme (e mërkurë), teksa dyshohet se dorasi ishte babai i tij, Skënder Krasniqi.
Avokati i këtij të fundit në një deklaratë për media theksoi se vrasja e djeshme në Prishtinë ka ndodhur aksidentalisht. /Telegrafi/
