Dolce & Gabbana organizoi një shfaqje të vërtetë të modës italiane, një natë më parë në Itali.
Koleksioni u prezantua në një pistë të kuqe të krijuar nga mjeshtërit italianë. Modelet sfiluan me veshjet e prej mëndafshi, sateni dhe tyli.
Jennifer Lopez mori gjithë vëmendjen sapo hipi në pasarelë, transmeton Top Channel.
Me pantallona dhe pjesë të sipërme me lule, një pelerinë e kapelë si dhe bizhuteri të rënda – veshja e saj dukej ekstravagante dhe moderne njëkohësisht.
Ndër të tjerë, këngëtarja ra në sy me imazhin e saj, duke treguar edhe njëherë se vitet për të, janë thjesht numra.
Me një grim të pastër e minimalist, stilistët i kishin dhënë rëndësinë kurorës dhe vëthëve të mëdhenj që artistja mbante.
