Jennifer Lopez më në fund u ka dhënë fansave një vështrim brenda mega rezidencës së saj të re prej 60 milionë dollarësh (56 milion euro) që ndan me bashkëshortin Ben Affleck.
Diva zbuloi një pamje të brendshme të harlisur teksa pozonte në korridorin e saj, kur po bëhej gati për eventin “LACMA Gucci” në Los Angeles të shtunën.
Shtëpia e saj, të cilën ajo dhe Beni e blenë në maj të këtij viti, është e mbushur me sipërfaqe të bardha me nuanca argjendi dhe ari, shkruan DailyMail.
Nuk është hera e parë që ajo shihet në banesën e saj të madhe, vendasja e Bronxit ka bërë video në kuzhinën e saj dhe ka pozuar në dhomën e saj të ndenjes dhe në oborrin e saj me pamje nga pishina e saj gjigande.
Çifti i fuqishëm i Hollivudit bleu shtëpinë në fillim të këtij viti dhe u shpërngulën këtë verë.
Gjithashtu me çiftin jetojnë edhe binjakët adoleshentë të Lopezit, Max dhe Emme, të cilët ajo i ndan me ish-bashkëshortin Marc Anthony. Beni ka ndarë kujdestarinë me tre fëmijët e tij , Violet, Seraphina dhe Samuel që ndan me ish-bashkëshorten Jennifer Garner, dhe ata shpesh janë gjithashtu në shtëpinë e re.
Shtëpia – e quajtur “Pasuria e Wallingford” ndodhet në një kep prej 5 hektarësh dhe ka 12 dhoma gjumi dhe 24 banja, një garazh me 12 makina dhe parkim për 80 veta. /Telegrafi/
