Pasojat nga puthja famëkeqe e Luis Rubiales në Kupën e Botës vazhdojnë, ndërsa një çështje gjyqësore gjëmon në sfond. Jenni Hermoso, viktima e puthjes së papëlqyer ka zbuluar një tendencë mjaft të çuditshme të një prej aleatëve më të ngushtë të Rubiales, ish-trajnerit të ekipit të femrave të Spanjës, Jorge Vilda.
Rubiales aktualisht është në gjyq për sulme seksuale dhe detyrim, dhe pohon se Hermoso ka gënjyer gjatë gjithë kohës.
Versioni i tij i ngjarjeve ishte se Hermoso dhe shoqet e saj panë një mundësi për të larguar Vilda dhe Rubiales nga Federata Spanjolle e Futbollit.
Gjatë një interviste të re për TVE, Hermoso shpjegoi disa trajtime nga Vilda për të cilat lojtaret ishin ankuar më parë me Vildën.
E gjitha ka të bëjë me ritualin e çuditshëm të ish-trajnerit të ekipit të femrave të Spanjës.
🚨 Jenni Hermoso: "Cuando nos íbamos a dormir, teníamos que dejar la puerta abierta y esperar a que Vilda pasara y hablara con nosotras" https://t.co/9COmMsv924
— MARCA (@marca) January 12, 2024
“Kur shkuam të flinim, duhej ta linim derën hapur dhe të prisnim që të vinte natën dhe ta linim të fliste me ne”, ka thënë fillimisht Hermoso.
“Ai thoshte se ishte hera e vetme që duhej të fliste me ne personalisht. Nëse ai trokiste në derën e parë të lojtareve të para, derisa të arrinte tek e fundit, ndoshta ka pasur edhe lojtare që i ka zënë gjumi”.
Më tej, Hermoso ka shtuar se kishte përshtypjen se nëse do të kishte dalë në mbështetje të Rubiales pas puthjes, atëherë do të kishte marrë ‘përfitime jo sportive’.
Vilda u shkarkua më pas nga RFEF pasi Rubiales dha dorëheqjen dhe ka marrë përsipër ekipin kombëtar të femrave marokene. Montse Tome, ndihmësi i tij, ka marrë frenat e kombëtares La Roja. /Telegrafi/