Java e futbollistëve të Përfaqësueses në Evropë, shënojnë gjashtë futbollistë të Kosovës
Ndeshjet e muajit mars janë shumë afër, ku Përfaqësuesja e Kosovës do të fillojë edhe kampanjën e kualifikimeve për Euro 2020.
Fillimisht Përfaqësuesja jonë do të përballet me 21 mars në një ndeshje miqësore me Danimarkën në Prishtinë.
Katër ditë më vonë, Kosova zyrtarisht fillon kampanjën për Euro 2020 ku do të përballet në stadiumin Fadil Vokrri me Bullgarinë.
E 10 ditë para ndeshjeve, futbollistë e Përfaqësueses së Kosovës janë duke kaluar nëpër një formë fantastike me klubet e tyre.
Milot Rashica ka shkëlqyer në fitoren e skuadrës së tij Werder Bremen 3-1 ndaj Schalke 04.
Vushtrriasi ka shënuar dy gola në këtë sfidë duke shkuar në koutën e gjashtë golave në Bundesliga.
Me dy gola ka kontribuar këtë javë për Rizesporin edhe sulmuesi Vedat Muriqi, në fitoren 3-0 ndaj Kayserispor.
Ndërkohë në Zvicër me dy gola ka shkëlqyer edhe Benjamin Kololli që i siguroi skuadrës së tij Zurich një barazim 2-2 në udhëtim te Thun.
Arbër Zeneli në Ligue 1 me golin e shënuar i ka siguruar Reimsit një barazim të artë në udhëtim te Dijoni.
Edhe pse luan si mesfushor, gol ka arritur të shënoj këtë javë edhe Herolind Shala me skuadrën e tij Valerenga ndaj Tromsos.
Mesfushori fantastik i Kosovës realizoi një gol të bukur në minutën e 28-të në fitoren 2-0 të skuadrës nga kryeqyteti norvegjez.
Golin e ka gjetur edhe Florent Hasani këtë javë në Hungari, ku ka realizuar në fitoren e skuadrës së tij DVTK ndaj Puskas Academy.
Për 22-vjeçarin goli ndaj Puskas ishte i pesti këtë edicion në elitën e futbollit hungarez. /Telegrafi/
Vedat Muriqi
GOOLL! Muriqi ! dk'22
Rizespor 1 – 0 Kayserispor pic.twitter.com/iroeomZpS2— Legend Sport Official (@LegendSportoffc) March 10, 2019
His second came from penalty spot. Cool as you like it by Vedat Muriqi. #Dardanian pic.twitter.com/eykVcJDljU
— Kosovan Football 🇽🇰 (@kosovanfooty) March 10, 2019
Arbër Zeneli
Milot Rashica
Herolind Shala
Florent Hasani
Benjamin Kololli
https://www.facebook.com/teleclubsport/videos/350955405513886/?t=10