Mesfushori francez i Manchester United, Paul Pogba festoi dje ditëlindjen e 24-t.
Urimet për ish futbollistin e Juventusit kanë qenë të shumta ku nuk ka munguar dhe urimi i Adnan Januzaj.
Futbollisti shqiptar i kombëtares belge e ka uruar Pogbën duke postuar një fotografi në rrjetet sociale që shfaqet bashkë me të dhe me një mbishkrim në gjuhën franceze, transmeton Telegrafi.
“Urime ditëlindjen kazmë”, ka shkruar ndër të tjerash istogasi në llogarinë personale në Facebook.
Januzaj dhe Pogba janë shokë shumë të mirë, pasi kishin luajtur së bashku me të rinjtë e Unitedit. /Telegrafi/
