Nëpërmjet një konference për shtyp të partisë opozitare maqedonase OBRM-PDUKM, anëtari i kësaj partie Igor Janushev tha se kjo çfarë po ndodh është goditje ndaj demokracisë.
“Anëtarët e OBRM-PDUKM-së shqetësohen nga polica. Asnjëherë s’ka pasur keqpërdorim të këtillë të policisë. Kjo është kurth për të gjithë ata që mendojnë kundër, dhe të gjithë që kundërshtojnë politikën e Zaevit”, tha Janushevi duke shtuar se Zaevi për këtë i përdor mediat, njofton Telegrafi Maqedoni.
Sipas tij, OBRM-PDUKM-ja është viktimë e paaftësisë së Zaevit dhe se do të vijë ditë kur do të përgjigjen për këtë.
Ai përmendi se kot janë kontrolluar anëtarët e OBRM-PDUKM-së në selinë kryesore të kësaj partie.
“Nëse mendoni se do të frikësohemi, gënjeheni”, tha mes tjerash Igor Janushev./Telegrafi/
