James Harden luajti edhe një ndeshje të nivelit të lartë në momentin më të rëndësishëm për Houston Rockets.
Kjo e fundit shënoi fitore para shikuesve të vetë në palestrën Toyota Center kundër Golden State Warriors me rezultat 112-108 për të barazuar serinë gjysmëfinale të Konferencës Perëndimore në 2: 2.
Basketbollisti shënoi 38 pikë, duke shtuar dhjetë kërcime dhe 4 asistime ndërsa kishte edhe dy bllokada.
Harden rihyri në historinë e klubit teksikan me një statistikë të re, e cila ishte një rekord personal.
Në dy ndeshjet e fundit ai shënoi gjithsej 79 pikë në këtë fazë të “play-off” të ligës më të fortë të basketbollit në botë.
Vetëm një lojtari shënoi më shumë në dy ndeshje të njëpasnjëshme dhe bëhet fjalë për një nga më të mëdhenjtë ndonjëherë, Hakeem Olajuwon. /Telegrafi/