Jada Pinkett Smith ka reaguar pas aludimeve që Will Smith kishte kryer marrëdhënie intime me yllin e “Fresh Prince of Bel-Air”, Duane Martin.
“Ne do të ndërmarrim veprime ligjore”, tha 52-vjeçarja në emisionin radiofonik “The Breakfast Club” të mërkurën, duke lënë të kuptohet për një betejë të mundshme ligjore me ish-asistentin e supozuar të Will.
“Është një gjë të kesh mendimin tënd për dikë kundrejt sajimit të historive të çuditshme dhe keqdashëse”, shtoi aktorja e “Girls Trip” përpara se ta quante akuzën “qesharake”.
Vetëm dy ditë më parë, Bilaal pohoi në podcast-in “Unwine Wth Tasha K” se ai “hapi derën e dhomës së zhveshjes së Duane” dhe pa “Duane duke bërë seks anal me Will” mbi një divan në mes të xhirimeve të shfaqjes popullore të viteve ’90.
Aktori i “Men in Black”, 55 vjeç, mohoi të ketë kryer marrëdhënie me Martinin, duke i quajtur pretendimet plotësisht të pavërteta.
Edhe pse është e paqartë se kur mund të ketë ndodhur incidenti i supozuar, “Fresh Prince” u transmetua nga viti 1990 deri në 1996.
Martin, 58 vjeç, u martua me aktoren Tisha Campbell, 55 vjeçe, në 1996 përpara se të ndahej në vitin 2000.
Sa i përket Smithit, megjithëse nuk kishte qenë ende me Jadan, ai ishte i martuar me Sheree Zampino nga viti 1992 deri në 1995. /Telegrafi/
