Jada Pinkett Smith ka pohuar se Chris Rock dikur e kishte ftuar për një takim, ndërsa ajo ishte ende e martuar me bashkëshortin Will Smith.
Aktorja e “Scream 2” ka folur për martesën e saj me aktorin e “Fresh Prince of Bel-Air”, 55 vjeç, duke konfirmuar se ata u ndanë fshehurazi shtatë vjet më parë në 2016.
Pavarësisht ndarjes private, 52-vjeçarja ishte në krah të partnerit të saj në “Oscars” vitin e kaluar dhe e shikonte e shokuar, teksa ai godiste komedianin në skenë – për një shaka që ai bëri për flokët e saj.
Sipas People Magazine, Jada foli për historinë e saj me Chris, 58 vjeç, në librin “Worthy”, duke hedhur bombën se ai dikur donte të kishte një takim me të.
“Mendoj se çdo verë do të dilnin lajme se unë dhe Will po divorcoheshim”, tha ajo.
Dhe në njërën prej tyre, Chris mendoi se ne po divorcoheshim dhe kërkoi që të dilja me të.
“Unë thashë: Çfarë do të thuash”, u shpreh ajo.
Ai tha: “Epo, a nuk po divorcohesh ti dhe Will?. Unë thashë: Jo. Chris, këto janë vetëm thashetheme. Ai ishte i tmerruar. Dhe ai kërkoi shumë falje dhe kjo ishte kaq”, vazhdoi aktorja.
Jada dhe Will u takuan për herë të parë në vitin 1994 dhe nisën lidhjen një vit më vonë. /Telegrafi/
