Bora që e ka kapluar Maqedoninë ka shkaktuar jo pak vështirësi në komunikacionin e vendit, ndërkaq në disa gryka malore janë zbatuar edhe ndalesat për qarkullimin e automjeteve të rënda, përcjell Telegrafi Maqedoni.
Sipas të dhënave, më tepër borë ka rënë në Mavrovë dhe Llazaropole, ku ka rëmë mbi 11 cm borë, kurse në Tetovë dhe Pozhoran ka rënë mbi 5 cm borë. Pritet që reshjet e dëborës të vazhdojnë gjatë tërë ditës dhe natës. Kjo do të shkaktojë edhe rritjen e nivelit të dëborës.
Pritet që në fundjavë të ulen temperatura deri në -20°C./Telegrafi/