Në konferencën e donatorëve që po mbahet në Bruksel, ka marrë fjalën presidentja e Komisionit Evropian, Ursula von de Leyen e cila është shprehur se BE-ja do të japë 100 milionë euro për Shqipërinë.
Duke mos përfshirë 15 milionët që ka dhënë Këshilli i Evropës.
“Ne kemi dëgjuar histori që të prekin zemrën nga kjo tragjedi. Kjo është një histori dhimbje dhe histori shërimi. Kjo pjesëmarrje dëshmon se ne jemi në krahun tuaj. Solidariteti shpëtoi jetë njerëzish nga kjo tragjedi shqiptare. Nevojat e Shqipërisë janë të mëdha dhe urgjente. Sot ne jemi këtu të dëshmojmë dhe të marrim angazhimet tona për popullin shqiptarë. Ne bashkë duhet ta bëjmë Shqipërinë më të fortë”, tha von de Leyen.
Në konferencë marrin pjesë edhe kryeministri kroat, Plenkoviç, ajo serbe, Brnabiç, presidenti i Malit të Zi, Gjukanoviç, dhe kryeministri në detyrë i Maqedonisë së Veriut, Spasovski. /Deutsche Welle/