Izraeli ka zgjerua sulmet edhe në drejtim të shtetit libanez pas konfliktit me militantët e Hamasit.
Forcat Mbrojtëse të Izraelit (IDF) njoftuan sot se kanë kryer sulme “të gjera” në Ayta ash Shab dhe Ramyeh të Libanit pas sulmeve të Hezbollahut.
IDF thotë se sulmet e kryera nga aeroplanët luftarakë, tanke dhe artileri kanë shënjestruar infrastrukturën e Hezbollahut të përdorur për të kryer sulme kundër Izraelit.
The IDF: "We carried out extensive strikesin southern Lebanon, warplanes bombed Hezbollah military compounds" in response to many Hezbollah launches pic.twitter.com/ASysrZgqBE
— Mossad Commentary (@MOSSADil) December 28, 2023
Një tjetër kompleks ushtarak i Hezbollahut u godit nga aeroplanë luftarakë në përgjigje të sulmeve të ditës së sotme të militantëve libanez, raporton thetimesofisrael.
Përveç kësaj, IDF thotë se ka goditur edhe një celulë e Hezbollahut që përgatitej për të kryer një sulm me raketa anti-tank dhe një tjetër qelizë në një ndërtesë të përdorur për të gjuajtur predha në Izrael.
Ndryshe, Hezbollahu gjuajti sot rreth 50 raketa dhe predha, si dhe dy drone drejt Izraelit. /Telegrafi/