Izraeli bombardoi pjesën qendrore të Gazës, më shumë se 40 të vdekur

Zyra për media e qeverisë së Gazës tha se forcat izraelite bombarduan një shtëpi pranë spitalit Al-Aqsa në Deir el-Balah, në qendër të Gazës, në një zonë që ushtria izraelite tha se ishte “e sigurt”.

Bombardimi rezultoi në më shumë se 40 të vrarë dhe të plagosur, thuhet në deklaratë, “gjë që konfirmon se nuk ka vend të sigurt në Rripin e Gazës siç pretendohet nga shteti izraelit”, shtoi zyra.

Lexo po ashtu "Mjaft është mjaft": Britanikët me mesazh të fuqishëm për Houthit, pasi - bashkë me amerikanët - zmbrapsën një valë sulmesh nga militantët e mbështetur nga Irani

“Ne dënojmë fuqishëm masakrat dhe krimet e okupimit kundër popullit tonë palestinez dhe i bëjmë thirrje gjithë botës që të ndalojë luftën gjenocidale që po zhvillohet kundër civilëve”, shtoi zyra e shtypit.

Kjo zonë është shënjestruar vazhdimisht nga dronët me kuadrokopter. Deri në këtë moment, procesi i evakuimit vazhdon për nxjerrjen e viktimave nga nën rrënojat, raporton Al Jazeera.

“Njerëzit po përpiqen të shpëtojnë njerëz të tjerë. Unë pashë foshnja të plagosur, burra dhe gra. Njerëzit po përpiqen të ndihmojnë ambulancat dhe ekipet mjekësore për të çuar njerëzit që janë goditur nga sulmet ajrore në spital. Shkova në dhomën e urgjencës dhe është kaos. Ka shumë infermierë dhe punonjës vullnetarë mjekësorë, por mjekët kryesorë mungojnë”, dëshmoi gazetari i Al Jazeera, Hind Khoudary.

Lexo po ashtu Pamje që duket se tregojnë se si ushtria izraelite qëlloi tre palestinezë, duke vrarë njërin prej tyre - pa asnjë provokim

Zyra qeveritare për media në Gaza raporton se gazetari Ahmed Badir u vra në sulmin e sotëm.

Shoqata e Gjysmëhënës së Kuqe Palestineze thotë se katër nga ekuipazhet e saj të ambulancës u vranë pasi forcat izraelite shënjestruan ambulancën e tyre në rrugën Salah al-Din në hyrje të Deir el-Balah. /Telegrafi/