Për disa muaj në Maqedoni ka qenë aktiv debati lidhur me gjuhët me të cilin ka avancim të përdorimit zyrtar të gjuhës shqipe.
Por këtij debati në asnjë moment nuk i është bashkangjitur Gjorge Ivanov, presidenti i Maqedonisë.
Ai është deklaruar sot për këtë ligj duke mos precizuar shumë detaje, shkruan Telegrafi Maqedoni.
”Me vëmendje e ndjek debatin dhe diskutimin për Ligjin për gjuhët, propozim teksti ende nuk ka arritur tek unë. Kur do të mbërrijë, do ta lexoj dhe do të shpreh qëndrimin tim për të. Ky ligj, si gjithë tjerët, duhet të jetë në përputhje me Kushtetutën e vendit dhe interesat kombëtare të vendit” tha gjatë konferencës për shtyp me presidentin e Shqipërisë Ilir Meta.
Meta dhe Ivanov kanë diskutuar edhe për tema të ndryshme por Ivanov sot ka marrë informatën se Edmond Themelko, kryetari i Komunës Pustec, është keq me shëndet. /Telegrafi/