Mesfushori i Interit, Ivan Perisic, është një ndër objektivat e Tottenham Hotspur.
Trajneri i skuadrës angleze, Mauricio Pochettino është i etur për të gjetur një sulmues të klasit të lartë dhe po përqendrohet te reprezentuesi i Kroacisë.
Futbollisti është i vetëdijshëm për thashethemet dhe nuk mund të përjashtojë largimin gjatë verës prej Interit.
“Unë nuk dua të flas për gjëra të tjera, unë luaj në Kupën e Botës. Do të shohim se çfarë ndodh kur të kthehem në Itali”, tha mesfushori.
Sezonin e kaluar, Perisic shënoi njëmbëdhjetë gola dhe bëri nëntë asistime në 37 paraqitje në Serie A.
Kujtojmë se për shërbimet e lojtarit ka shprehur interesim edhe skuadra tjetër Manchester United. /Telegrafi/