Hit-këngëtari i njohur shqiptar nga Peja, Ramadan Krasniqi-Dani, pas një sforcimi gjatë aktivitetit të tij të preferuar rekreativo-sportiv dhe pas disa shqetësimeve të lehta shëndetësore të shfaqura gjatë dy ditëve të kaluara, i është nënshtruar një trajtimi mjekësor.
Këngëtari i njohur shqiptarë, Dani, deklaron se çdo gjë është kryer me sukses, ndjehet shumë mirë me shëndet dhe nesër pritet t’i kthehet ritmit normalitetit jetësor.
Ramadan Krasniqi – Dani, një prej mbretërve të muzikës shqipe, i njohur për preferencat e tij të përditshme rekreativo-sportive në natyrë, thotë se, sipas mjekëve, përparësitë e tij shëndetësore edhe në këtë rast, sërish kanë dalur të jenë: aktiviteti sportiv, mos pirja e duhanit dhe e alkoolit për çfarë edhe rekomandon të gjithë që të ruajnë këto përparësi shëndetësore.
Dani njihet prej këngëtarëve më të kujdesshëm në ruajtjen e shëndetit me përpikëri.
Postimi i plotë i këngëtarit:
“Miq, dashamirë dhe adhurues të respektuar të këngës time,
Pas disa aktiviteteve të mia rekreative e sportive, të cilat unë i kam të përditshme dhe i aplikojë ndër vite, gjatë dy ditëve të fundit kam ndjerë disa shqetësime shëndetësore, e të cilat në dijen time ishin të vogla dhe pak të vërejtshme.
Megjithatë pas kësaj i jam nënshtruar një kotrolli shëndetësorë. Mjekët kanë gjetur një çrregullim zemre për të cilin menduan se duhet trajtim.
Unë jam i prirë që në çdo aspekt jetësorë të dëgjoj profesionistët e lëmisë, ndaj dhe ju nënshtrova aplikimit të stentimit. Çdo gjë u krye me sukses brenda pak minutash! Po ndjehem shumë mirë, nesër pritet ti kthehem përditshmërisë dhe noramlitetit jetësorë!
Megjithatë sipas mjekëve, edhe në këtë rast përparësitë e mia sërish dolën të jenë;
Aktiviteti sportiv në natyrë, ndajë bëjeni!
Mos pirja e duhanit – mos e pini kurrë!
Mos pirja e alkolit, – mos e pini kurrë!
Falënderimi i takon Zotit për çdo gjë!
Respekt të pafund për interesimin tuaj, jua kthefsha në të mira”, ka shkruar këngëtari i njohru nga Peja. /Telegrafi/