Shqipëria ka pësuar humbje kundër Italisë në Renzo Barbera të Palermos me rezultat 2-0.
Shqipëria pas kësaj humbje mbetet me 6 pikë, pas pesë ndeshjeve dhe me gjasa të vogla për të kërkuar pozitën e dytë.
Kuqezinjtë e nisën ndeshjen me një rast të Odise Roshit, por Buffon ishte në vend.
Në minutën e 11-të Italia fitoi penallti. Ishte Migjen Basha ai që pengoi në zonë me duar sulmuesi Andrea Belotti dhe gjyqtari tregoi në pikën e bardhë.
Nga pika e bardhë i saktë ishte Daniele De Rossi, që mposhti Thomas Strakoshën.
Pjesa e parë pas golit ishte qetë, por në fund provuan Immobile për Italinë dhe Roshi për Shqipërinë, por pa sukses.
Pjesa e dytë nisi me fishekzjarre të hedhura në fushë nga tifozët tanë.
Gjyqtari ndërpreu ndeshjen për disa minuta, madje i dërgoi lojtarët edhe në dhomat e zhveshjes.
Me tu kthyer në fushë Candreva provoi, por pa sukses.
Minuta e 71-të ishte vendimtare në këtë ndeshje. Harkimin e bukur në zonë të Davide Zappacosta e shndërroi në gol Ciro Immobile.
Deri në fund të dy skuadrat u munduan të bëjnë më shumë, por nuk arritën të shënojnë edhe një gol.
Pas kësaj ndeshje Italia mbetet e dyta me 13 pikë, ndërsa Shqipëria me 6 pikë është e katërta. /Telegrafi/
Ciro Immobile has scored five goals in 4 of his last six games.
His sixth goal in 21 games with #Italia#ItaliaAlbania 2-0
# Russia2018 pic.twitter.com/OqmeeEbXKg— Data and Statistics (@Soccer_Data) March 24, 2017