KHF Istogun e pret udhëtim i gjatë në kuadër të paraqitjes evropiane në edicionin e ri të garave. Shorti i tërhequr të martën ka përcaktuar që Istogu të përballet me skuadrën nga Islanda, KA/Por.
Istogu paraqitet në raundin e dytë të Kupës Evropiane, nivelit të tretë kontinental.
Ndeshja e parë është në Istog më 16 apo 17 tetor, ndërsa e kthimit në Islandë, një javë më vonë.
Në Kupën Evropiane garon edhe KHF Ferizaj. Në raundin e dytë Ferizaj takohet me skuadrën nga Holanda, JuRO Unirek VZV.
Ndeshja e parë luhet më 16 apo 17 tetor në Holandë, ndërsa e kthimit një javë më vonë në Ferizaj.
Kupa Evropiane (EHF European Cup) është niveli i tretë i garave evropiane për klube.