Ishte përjashtuar dikur nga “Kënga Magjike”, Linda Halimi tani pyet fansat nëse duhet të marrë pjesë në këtë festival

Këngëtarja Linda Halimi është shumë aktive në rrjetet sociale.

Ajo është gjithnjë shumë e hapur me fansat e saj, duke ndarë me ta imazhe apo statuse të ndryshme nga jeta e saj e përditshme.

Së fundmi, Linda ka publikuar në InstaStory një pyetje për ndjekësit e saj, duke shkruar: “Të vijë te Kënga Magjike sivjet?”, ndërsa kishte lënë për fansat dy opsione “Po” dhe “Jo”.

Dhe duke marrë parasysh që te përgjigja pohuese, këngëtarja kishte shkruar më me bindje duke shtuar disa shkronja o, ka bërë fansat të aludojnë që ajo po e shqyrton seriozisht pjesëmarrjen në këtë festival.

Lexo po ashtu Të gjitha lajmet nga Estrada Shqiptare

Kujtojmë që hera e fundit kur Linda Halimi ishte prezantuar në festivalin “Kënga Magjike” ishte në vitin 2010, në një bashkëpunim me Nora Istrefin dhe Big D.

Aso kohe, treshja ishin përjashtuar nga festivali si shkas i vonesës prej 30 minutave në prova, dhe si rrjedhojë u ishte shqiptuar dënimi nga producenti i festivalit, Ardit Gjebrea, me gjashtë vite mos të drejtë pjesëmarrje në këtë festival.

Arsyetimi se gjatë rrugës ishin ballafaquar me një aksident dhe kishin shpëtuar mjaft mirë, nuk “iu kishte pirë ujë” dhe kështu ata u përjashtuan pak ditë para netëve gjysmëfinale.

Mirëpo vetëm tri vite më vonë, Arditi kishte bërë përjashtim për Nora Istrefin, e cila me kërkim falje kishte arritur që vetëm tri vite më vonë të paraqitej në festivalin “Kënga Magjike 2013” me baladën “I jemi je”. /Telegrafi/