Argjentina kishte kaluar në epërsi për 1-0 ndaj Kroacisë në gjysmëfinale të Kupës së Botës në minutën e 34-të, me golin e Lionel Messit nga penalltia, ndërsa ndeshja përfundoi 3-0 në të mirë të argjentinasve.
Lojtari më i mirë i Argjentinës shënoi në mënyrë rutinore një penallti në pjesën e parë duke e goditur topin nën traversë dhe Dominik Livaković nuk pati asnjë shans për të pritur goditjen e tij.
Situata u analizua nga gjyqtari anglez në pension Peter Walton, i cili u shpjegoi situatën ish-lojtarëve Gary Neville, Roy Keane dhe Ian Wright.
?? Alvarez colided into Livakovic. See again pic.twitter.com/NY3GblBznd
— Kranjcar19 (@Kranjcar_19) December 13, 2022
Neville, Keane dhe Wright ishin të bindur se Argjentina nuk duhej të merrte penallti.
'Peter Walton getting some kind of praise klaxon' 🚨🚨🚨https://t.co/I8OERvGwUu
— Mirror Football (@MirrorFootball) December 13, 2022
Ish-gjyqtari Walton pasi i dëgjoi ish lojtarët e njohur, iu tregoi se e kishin plotësisht gabim.
“Portieri duhet të kishte arritur topin i pari. Ai po shkonte drejt dhe e humbi plotësisht, më pas goditi lojtarin. Ai në thelb u fut në rrugën e sulmuesit dhe e ndaloi atë. Pra, është një faull”.
“Unë e kuptoj që po pyesni se ku duhet të shkojë portieri. Por mendoni për një lojtar në fushë, i cili rrëshqet për të arritur topin, më pas prek një lojtar kundërshtar. Në një situatë të tillë, gjithmonë do të ketë një faul. Portieri bëri të njëjtën gjë”, shpjegoi Walton me të cilin ish lojtarët nuk ishte dakord. /Telegrafi/