Dua Lipa, e njohur për suksesin e saj ndërkombëtar si këngëtare shqiptare, ka ndarë me fansat sfidat personale që ajo ka përjetuar në rrugëtimin e saj drejt famës.
Gjatë një interviste së fundmi me “KISS FM”, Dua ka treguar se si periudha e promovimit të albumit të saj të parë në vitin 2017 ishte një kohë e vështirë dhe e lodhshme për të.
Ylli i muzikës pop përshkroi se si jetesa e saj ishte mbushur me fotosesione, udhëtime dhe paraqitje të vazhdueshme, ku ajo ndjente se nuk duhej të humbiste asnjë mundësi, sidomos në tregun e madh amerikan.
Dua bën të ditur se, gjatë shfaqjeve të ndryshme televizive amerikane, ka patur raste kur i është dashur të përgatitet për performancën vetëm 30 minuta para fillimit të xhirimit.
Ky nivel i presionit dhe përpjekjes ka qenë sfidues, dhe ajo ndjeu se ishte e rrethuar nga stresi i të qenit në qendër të vëmendjes.
Ajo gjithashtu tregoi se do të vepronte ndryshe në lidhje me albumin e fundit, nëse do të mund të kthente kohën mbrapa, dhe se nuk do të dëshironte të përsëriste atë periudhë të mërzitshme dhe stresuese.
Ajo ndjeu presionin për të qenë e fortë në sy të publikut, por pranoi se frika e asaj se mund të gabonte e mërziste dhe e bënte nervoze.
Duke u ndjer e mërzitur vazhdimisht, ylli i popit pranoi se kjo e kishte penguar të ndiqte disa nga dëshirat dhe ëndrrat e saj.
Duke u shprehur rreth kësaj çështjeje, ajo dërgoi një mesazh të fortë për të gjithë ata që ndiejnë presionin për të qenë perfektë në çdo gjë që bëjnë, duke ua kujtuar atyre që është e rëndësishme të jenë më të butë me veten e tyre. /Telegrafi/
