Ish-portieri i Borussia Dortmundit, Mitchell Langerak, i ka lavdëruar katër portierët e mbetur në Ligën e Kampionëve, ndërsa lëvdatat e veçanta i ka rezervuar për Marc-Andre ter Stegen dhe Alisson Becker.
Langerak ka luajtur për pesë sezone të BVB (2010-2015), para se të transferohej në Japoni te skuadra ku po luan tani, Nagoya Grampus.
Australiani ka thënë fjalë të mëdha për portierin e Barcelonës dhe atë të Liverpoolit, të cilët do të përballen në gjysmëfinale të Ligës së Kampionëve.
“Ter Stegen është i jashtëzakonshëm me mënyrat si bën disa pritje. Ai është fantastik me këmbë dhe kuar luan te Barcelona, kjo është mënyra si duhet të luash”.
“Alisson, po ashtu, te Liverpooli, është portier që i bën pritjet e pabesueshme dhe është shumë i fortë për skuadrën. Mendoj se deri më tani në Ligën Premier, ka 19 ose 20 ndeshje pa pranuar gol, prandaj është e jashtëzakonshme”, ka thënë Langerak për Goal. /Telegrafi/