Adrien Rabiot ka reaguar përmes rrjeteve sociale për gjestin e Roberto Gagliardinit në ndeshjen Monza-Juventus, që u mbyll me fitoren 1-2 të “Zonjës së Vjetër”.
Në atë moment Monza barazoi rezultatin në 1-1 dhe ishte minuta e parë e kohës shtesë, kur Gagliardini shkoi për të festuar në mënyrë provokuese përpara Rabiot.
Mesfushori i Juves nuk reagoi në moment dhe vazhdoi ndeshjen, duke dhënë një asistim të bukur në golin e Federico Gattit që i dha bardhëezinjëve fitoren dhe vendin e parë në renditje.
Grazie Gagliardini, lo hai fatto incazzare al momento giusto ❤️#rabiot#MonzaJuve https://t.co/PRTybXl7oT
— Claudia (@claudia__ccld7) December 2, 2023
Pas përfundimit të takimit, sapo shkoi në dhomat e zhveshjes, francezi publikoi një “Insta-Story”, ku i theksonte lojtarit kundërshtar, se duhet të tregohet më i përulur deri në përfundim të çdo sfide.
“Mësoni të qëndroni të përulur, sepse derisa gjyqtari të japë vërshëllimën për fundin e ndeshjes, gjithçka është ende e mundur”, ka shkruan Rabiot.
Juventusi me këtë fitore është lider në Serie A me 33 pikë, një më shumë se Interi që ka një ndeshje më pak. /Telegrafi/