Ish-legjenda e Manchester United, Rio Ferdinand, ka pohuar në mënyrë sensacionale se Mikel Arteta do të largohej nga Arsenali në rast se “Djajtë e Kuq” i bëjnë një ofertë.
Arteta ka bërë një punë të jashtëzakonshme me “Topçinjtë” gjatë dy sezoneve të fundit dhe po lufton për titullin e Ligës Premier përësri këtë sezon.
United në anën tjetër, janë shumë larg ekipeve të mëdha përsëri pas një sezoni dëshpërues nën udhëheqjen e Ten Hag.
Si rezultat, e ardhmja e holandezit është e pasigurtë, me aksionarin e ri Sir Jim Ratcliffe dhe ekipin e tij INEOS, që dyshohet se nuk e përkrahin idenë që Ten Hag të jetë trajner i United në mënyrë afatgjatë.
??️| Rio Ferdinand:
“Arteta would leave Arsenal to join Man United, 100%”
“Man United say top of the list is Arteta, Arteta is going in and saying to the lads, ‘listen guys, it’s been emotional but I’ve got to move, I’ve got to go.'”
[@FIVEUK] pic.twitter.com/fG65BmQfnx
— Transfer Sector (@TransferSector) February 26, 2024
“Arteta do dëshironte të largohej nga Arsenali dhe t’i bashkohej Manchester Unitedit, 100 për qind. Askush nuk po thotë se do të ndodhë por nëse Man United është në një ëndërr të çmendur dhe thonë, ‘a e dini çfarë, Erik Ten Hag, faleminderit’ ose nëse Ten Hag kërkohet nga Bayerni dhe shkon atje, pastaj Man United do të thoshte se në krye të listës është Arteta”, ka thënë Ferdinand.
“Djajtë e Kuq” renditen në pozitën e gjashtë në Ligën Premier këtë sezon, ndërsa tashmë janë eliminuar nga Liga e Kampionëve.
Arsenali në tjetrën aën po garon për titull me Manchester Cityn dhe Liverpoolin teksa është pjesë e 1/8 së finales në Ligën e Kampionëve./Telegrafi/