Ish-kryeministri i Sllovenisë, Janez Jansha, ka kritikuar Parlamentin slloven për mos hetim të një skandali financiar dhe dyshimeve për korrupsion, që lidhen me kompaninë furnizuese energjetike GEN-i.
Jansha ka thënë se shkaku i kompanisë GEN-i, Sllovenia është në kryetitujt e mediave jashtë vendit.
“Me sa duket, të gjitha parlamentet në Ballkan do të krijojnë komisione hetimore për dyshimet për korrupsion në lidhje me GEN-i dhe jo Asamblenë Kombëtare Sllovene”, ka shkruar Jansha në Tëitter, transmeton Telegrafi.
Ai kë thënë se “që nga muaji maj kot i presim 3 nënshkrimet e premtuara të koalicionit Nova Slovenija”.
Ko @vladaRS vrne 🇸🇮 na naslovnice v tujini.
Očitno bodo vsi parlamenti na Balkanu prej ustanovili preiskovalne komisije o sumih korupcije v povezavi z #GENi kot pa slovenski @Drzavnizbor.
Že od maja zaman čakamo na 3 obljubljene podpise obkoalicijske @NovaSlovenija. #vinjeta pic.twitter.com/Bl3jqdXwto
— Janez Janša (@JJansaSDS) January 17, 2023
Skandali i dyshimtë financiar ishte raportuar nga mediumi slloven, Planet TV, në të cilin përflitet si i përfshirë edhe ambasadori i Kosovës në Kroaci, Martin Berishaj.
Berishaj dyshohet se ka transferuar rreth 600 mijë euro kesh nga xhirollogaria e tij bankare në Mal të Zi për tek politikani slloven, Robert Golob, kryetar i Partisë së Lirisë.
U raportua se Golob po hetohej ndërkombëtarisht për shkak të disa transaksioneve financiare nga dega serbe e furnizuesit energjetik slloven, GEN-I, të cilat kishin për adresë kompaninë “MB Consulting” të Martin Berishajt në Mal të Zi.
Partitë opozitare në Kosovë ka kohë që po kërkojnë shkarkimin e Berishajt. Megjithatë, ai ka marrë mbështetje nga pushteti. /Telegrafi/