Ish-inxhinieri i agjencisë hapësinore NASA dhe sot YouTuber, Mark Rober, kreu një eksperiment interesant në Bahama.
Në shoqërinë e biologut dhe zhytësit me përvojë Luka Tipla, ai vendosi të kontrollojë nëse peshkaqenët vërtet i tërheq gjaku.
Ai lëshoi rreth 15 pika të gjakut në ujë, por pas një ore ai nuk vuri re asnjë peshkaqen. Më pas ai foli për rrëzimin e mitit se ata janë “vrasës të pamëshirshëm që çmenden nëse nuhasin gjak brenda një kilometri”.
Një vit më vonë, ai u kthye në të njëjtin vend. Këtë herë, ai e krahasoi reagimin me gjakun e peshkut të ëmbël dhe të lopës, të cilët shërbyen si zëvendësues për gjakun e njeriut.
Rreth 134 grabitqarë detarë reaguan ndaj gjakut të peshkut, ndaj ka ardhur momenti për “finalen e madhe”, raporton LadBible.
Roberti zbriti në kafazin metalik dhe derdhi lëngun e peshkut të kuq rreth vetes, duke pritur ardhjen e peshkaqenëve. Ai priste një reagim, por jo në këtë masë.
Ai u frikësua kur bishat filluan të rrotulloheshin rreth tij dhe njëra arriti të fuste kokën nëpër hekura.
“Shikoni ata dhëmbë. Ai dëshiron të më hajë”, tha ai.
Ish-inxhinieri i NASA-s e gjeti veten në më shumë telashe kur do të dilte nga kafazi, ndaj njëri prej zhytësve iu desh të reagonte.
“Njerëzit zakonisht janë grabitqarë dhe tani e ndjeva se çfarë do të thotë të jesh pre”, përshkroi ai përvojën e tij. /Telegrafi/