Fotografia e tij bëri bujë gjithandej në media, rrjete sociale, duke bërë që të njihej në të gjithë botën.
Fjala është për Jeremy Meeks, 32 vjeçarin i cili një pjesë të jetës e kaloi në burg, por pamja e tij e bukur dhe tërheqëse bëri që shumë femra ta duan edhe pse ai ishte i dënuar si një ish-kriminel.
Pasi doli nga burgu, Meeks filloi karrierën e tij si model, madje është paraqitur edhe në Javën e Modës në New York.
Por duket se së fundmi, jo gjithçka ka rrjedhur mirë për 32 vjeçarin, dhe për pak sa nuk ka përfunduar sërish në burg.
Kësaj here jo për ndonjë krim të kryer, por për mungesë dokumentesh dhe skadencë të tyre.
Raportohet se ditën e djeshme ai u ndalua nga policia në aeroportin Heathrow të Londrës, për arsye të skadimit të pasaportës së tij, e cila u shpall e pavlefshme, dhe falë kësaj ai nuk udhëtoi më dot.
Organet e rendit janë marrë me Jeremyn, teksa nuk është bërë e ditur se sa kohë ka qëndruar në arrest për këtë ngjarje. /Telegrafi/
