Ish-banori i Big Brother VIP Kosova 2, Mirdon Pacolli, ka kurorëzuar dashurinë e tij me martesë, duke i dhënë fund beqarisë.
Ai dhe e dashura e tij prej shumë kohësh, Elmedina Musliu, kanë organizuar një ceremoni të veçantë, momentet e së cilës tashmë po qarkullojnë në rrjetet sociale.
Fotografitë e çiftit janë bërë virale, me shumë urime dhe komente pozitive nga ndjekësit dhe miqtë e tyre.
Mirdoni, i cili u bë i njohur për publikun gjatë pjesëmarrjes në BBVK 2, e ndau përvojën e tij me mikun e tij të ngushtë, Ardin, duke hyrë në shtëpi si një konkurrent i vetëm në dyshe.
Dyshja arriti deri në gjysmëfinale, duke fituar simpatinë e publikut me karakterin dhe humorin e tyre.
Ndërkohë, martesa e Mirdonit ka ngjallur shumë interes te fansat, të cilët kanë ndjekur rrugëtimin e tij si brenda shtëpisë së BBVK-së, ashtu edhe jashtë saj. Urimet për çiftin e sapomartuar nuk kanë munguar, duke e bërë këtë moment edhe më të veçantë për ta. /Telegrafi/