Ish-anëtarët e KSHZ-së që tashmë janë dorëhequr nga funksioni për pagesa të majme në formë të bonuseve për dy vitet e kaluara do të marrin paga shtesë për një vit. Këtë e ka vendosur komisioni për emërime dhe zgjedhje pranë Kuvendit të Maqedonisë, shkruan Telegrafi Maqedoni.
Violeta Duma, Igor Milev, Aleksandar Çiçakovski, Silvana Boneva dhe Subhi Jakupi do të marrin ”apanazhë” shtetërore për një vit.
Anëtarët tjerë të dorëhequr, Rexhep Prekopuca, Atanas Urumov dhe Sashos Srcev nuk kanë parashtruar kërkesa për ”apanazhë”, me arsyetim se kthehen në vendet te tyre të mëparshme të punës.
Përndryshe, skandali për pagesa të majme të anëtarëve të KSHZ-së u shpalos nga ambasadori amerikan në Shkup, Jess Baily. /Telegrafi/