Ai është izoluar me familjen e tij në Havai mes pandemisë së vazhdueshme të coronavirus.
Ish-aktori i James Bond, Pierce Brosnan, ka bërë disa ndryshime gjatë izolimit, ndërsa ditën e djeshme (e hënë) është shfaqur me flokë të thinjura, shkruan Daily Mail.
Brosnan ishte i veshur në një mënyrë shumë të thjeshtë, me një bluzë të bardhe dhe pantallona të shkurtra, duke dëgjuar muzikë.
66-vjeçari muajin e kaluar ishte parë në Londër dhe ditën kur ai shijoi rrezet e diellit kishte pasur flokët me ngjyrë të errët dhe ishte kujdesur më shumë rreth pamjes së tij.
Shumë ndjekës menduan se ai ndoshta po e rikthen përsëri rolin e tij të vitit 1997 ,”Robinson Crusoe”, i cili u la i shkatërruar me anije në një ishull të shkretë.
Sidoqoftë, disa ndjekës sugjeruan që ai në fakt i ngjante James Bondit kur u mbajt rob në Korenë e Veriut. /Telegrafi/