Në valën e rrëzimit të qeverisë dhe propozimeve për kryeministër për zgjedhjet e jashtëzakonshme të 11 qershorit, duket se do të ndeshemi edhe me postime satirike të disa prej fytyrave publike nga arti.
Kompozitori i njohur Andin Randrobrava ka publikuar një fotografi në llogarinë zyrtare në Facebook, përmes së cilës në formë satirike “kërkon” votën e miqve të tij për kryeministër.
Ndërsa numri me të cilin kinse kandidon, është një numër mjaft provokues, 69.
“Vota juaj ma then n’rraj”(sic.), shkruan kompozitori në mbishkrimin e fotografisë, duke ironizuar me situatën aktuale në vend. /Telegrafi/
