Një grua irlandeze ka humbur 82 kilogramë brenda një viti pasi kishte vështirësi të mëdha me imazhin e trupit të saj dhe kishte çrregullime në të ngrënë.
Carla Piera ka humbur këtë peshë në 14 muaj duke shkuar nga pesha 146 kilogramë në 64 kilogramë.
Irlandezja 34 vjeçare, një menaxhere nga Dublini, është përballur me probleme në peshë që nga fëmijëria, përcjell Telegrafi.
Ajo gjithashtu thotë se ka vuajtur nga bulimia dhe nga çrregullimi i ngrënies së tepërt.
Mirror raportoi se si Carla në korrik të vitit 2019 kishte kuptuar se kishte varësi ndaj ushqimit dhe se kishte vendosur që të shkonte në terapi.
Ajo filloi të humbasë peshë për herë të parë në janar 2020.
Pasi iu bashkua BodySlims dhe filloi të reduktonte numrin e kalorive dhe të ecte për çdo ditë nga një orë në ditë dhe duke trajtuar shëndetin e saj mendor.
Ajo tha: “Pa marrë parasysh se çfarë kam arritur në jetë, unë asnjëherë nuk kam menduar se isha mjaftueshëm mirë për shkak se isha në mbi peshë. Mendoja se isha e pavlefshme”.
“Që nga atëherë jeta ime ka ndryshuar komplet. Kam liri mendore. Më nuk shqetësohem në lidhje se a mund të ulem në ulëse të ngushta ose në ulëset e aeroplanit”, shtoi ajo. /Telegrafi/