Lidhja mes aktorit Bradley Cooper dhe modeles Irina Shayk po bëhet gjithnjë e më serioze.
Këtë e tregon fakti se së fundmi aktori hollivudian e ka prezantuar të dashurën Shayk me nënën e tij, Gloria Campano.
Ky lajm bëhet i ditur nga agjencisë britanike e lajmeve Dailymail, e cila sjell disa fotografi ku çifti dhe mamaja e Cooper shfaqet së bashku me modelen në plazh.
Ata u fotografuan teksa kalonin moment në shoqërinë e njëri-tjetrit në një nga plazhet e New Jersey në Amerikë.
Aktori nuk mund ta fshehë buzëqeshjen nga fytyra e tij, teksa kalon moment të lumtura me dy nga gratë më të preferuara të tij.
Shayk dhe Cooper janë bashkë prej pesë muajsh dhe gjatë kësaj vere janë parë shumë pranë njëri-tjetrit dhe më të dashuruar se kurrë më parë.
