Irani thotë se do ta çojë Donald Trump në Hagë rreth sulmit me dron të SHBA-së, i cili vrau gjeneralin e lartë Qassem Soleimani.
Teherani dëshiron të paraqesë një padi për krimet e luftës në Gjykatën Ndërkombëtare të Drejtësisë, pasi komandanti i Forcës Quds u vra në Irak më 3 janar, transmeton Telegrafi.
Shtetet e Bashkuara nuk e pranojnë juridiksionin e gjykatës, por çështja mund të bëhet e vështirë për Uashingtonin nëse gjyqtarët e gjejnë në favor Iranin, gjë që ata e kanë bërë në të kaluarën.
Hetuesja e Kombeve të Bashkuara, Agnes Callamard – e cila shkroi një raport të befasishëm për vdekjen e gazetarit saudit Jamal Khashoggi vitin e kaluar – ka thënë se vrasja e Soleimanit “ka shumë të ngjarë që shkel ligjin ndërkombëtar”.
Zëdhënësi i gjyqësorit iranian Gholamhossein Esmaili tha se SHBA-të kishin kryer një ‘veprim terrorist’ duke eliminuar Soleimanin, sipas mediave iraniane.
“Ne synojmë të ngremë padi në Republikën Islamike, Irak dhe Gjykatën e Hagës [Gjykata Ndërkombëtare e Drejtësisë]”, tha ai.
Callamard, hetuesi i KB, tha në kohën e vdekjes së Soleimanit se ishte ‘e vështirë të imagjinohej’ si mund të justifikohej sipas ligjit ndërkombëtar.
“Vrasjet në shënjestër të Qasem Soleimanit dhe Abu Mahdi al-Muhandis ka të ngjarë të shkelin ligjin ndërkombëtar [përfshirë] ligjin për të drejtat e njeriut”, tha ajo.
“Arsyetimet e ligjshme për vrasje të tilla janë përcaktuar shumë ngushtë dhe është e vështirë të imagjinohet se si mund të zbatohet ndonjë prej këtyre vrasjeve”.
Sot Ministri i Jashtëm i Iranit, Mohammad Javad Zarif tha se sulmi me dron kundër Soleimanit ishte një ‘sulm i paprovuar’, megjithëse Uashingtoni thotë se gjenerali përbënte një kërcënim ‘të menjëhershëm’ për amerikanët. /Telegrafi/