iPhone më i ri nga Apple me gjasë do të ketë mbushësin me kabllo USB-C dhe kjo pritet të konfirmohet më 12 shtator kur edhe do të bëhet prezantimi zyrtar.
Siç raporton BBC, telefonat e kompanisë amerikane aktualisht përdorin mbushës Lightnin, ndryshe nga rivalët siç janë Samsung, transmeton Telegrafi.
Ligjet e Bashkimit Evropian kërkojnë nga prodhuesit e telefonat që të adoptojnë mbushësin deri në dhjetor të 2024 me qëllim që t’i kursej të holla konsumatorëve.
Shumica e produkteve të Apple siç janë iPad-ët e rinj tashmë përdorin kabllon USB-C, por kjo kompani tashmë ka shprehur qëndrimet e saj kundër rregullave të BE-së.
Kur u njoftuan me rregullat e reja në shtator të 2021, përfaqësuesit e Apple i thanë BBC-së se rregullat strikte kërkojnë vetëm një lloj të kabllos dhe mbushësit, që sipas tyre mbyt inovacionin dhe dëmton konsumatorët në Evropë dhe në mbarë botën.
Konvertuesit nga Lightning në USB-C tashmë janë të disponushëm nga markat e tjera të fushës së elektronikës, përfshirë Amazon, dhe të gjithë iPhone që nga iPhone 8 që u lansuar në vitin 2017 kanë mbushës mbështetës pa kabllo.
Derisa modeli aktual iPhone 14 duket se do të jetë pajisja e fundit e Apple që përdor ekskluzivisht atë, kjo mund të shënojë fillimin e fundit të kabllos Lightnin – që shitet me pakicë nëpër dyqanet e Apple për 22 euro.
Është e paqartë nëse ky do të jetë një ndryshim global i produktit, megjithëse gjigandi i teknologjisë ka pak gjasa të bëjë një version të ndryshëm të telefonit vetëm për tregun evropian.