Interi ka marrë edhe fitoren e dytë në sezonin e ri në Serie A, pasi ka mposhtur Spezian me rezultat 3-0.
Zikaltërtit kanë bërë një ndeshje shumë të mirë dhe në fund me lehtësi kanë arkëtuar tri pikët e reja.
Për këtë fitore të Neroazzurëve ka folur edhe trajneri italian i Interit, Simone Inzaghi që përgëzoi edhe futbollistët e tij për tri pikët e fituara.
“Paraqitja ishte shumë e mirë, kemi bërë një ndeshje serioze. Djemtë u treguan të aftë, në 15-20 minutat e para ishim pak të ngurtë, por kur zhbllokuam ndeshjen mund të kishim realizuar edhe gola të tjera përpara pushimit të pjesës së parë. I kemi bërë mirë të dyja fazat”, deklaroi Inzaghi.
Inzaghi tutje ka folur edhe për repartin e sulmit, ku tha se kanë shumë zgjidhje me afrimin e Romelu Lukakus në skuadër.
“Vitin e kaluar ishim sulmi më i mirë. Këtë vit me Lukakun kemi më shumë zgjidhje. Kemi katër sulmues të mëdhenj, por duhet të jem unë i mirë për të zgjedhur si duhet. Këtë mbrëmje të gjithë kanë bërë mirë dhe për një trajner janë sinjale pozitive”, vazhdoi tutje Inzaghi, ku krejt në fund foli edhe për mesfushorin Nicolo Barella.
“E dimë se çfarë përfaqëson për Interin dhe kombëtaren. Është një lojtar që ndryshon ndeshjen dhe është një lojtar i madh njësoj si gjithë të tjerët që kemi”.
“Në raport me ndeshjen ndaj Lecces kam ndryshuar dy lojtarë, kam fatin që të zgjedh dhe duhet të jem unë i aftë që të bëjë zgjedhjet e duhura në raport me ndeshjet që do të luajmë”, u shpreh Inzaghi. /Telegrafi/