Haji Wright ka luajtur në vende të ndryshme gjatë karrierës së tij, ndërsa tashmë po flitet për një kalim te Interi në Serie A.
Sulmuesi amerikan e nisi karrierën në Akademinë e LA Galaxy, para se të kalonte te NY Cosmos. Më pas kaloi kohë në Gjermani te Schalke 04 dhe SV Sandhausen, para se ta kalonte një sezon në Holandë te VVV-Venlo.
Një sezon i kaluar te SonderjyskE në Danimarkë, para se të arrite sukses në Turqi me Antalyaspor. Këtë sezon, ai ka shënuar 12 gola në 19 paraqitje për ekipin turk.
Tuttomercatoweb njofton se Interi ka shprehur interesim për transferimin e Wright në afatin kalimtar veror.
Ndërkohë, shumë klube evropiane janë duke e monitoruar nga afër 25-vjeçarin, duke i përfshirë edhe klubet tjera nga Serie A. /Telegrafi/