Interi ka arkëtuar pikë të plota përballë Sassuolos (2-1) në Giuseppe Meazza, në ndeshjen e vlefshme për kampionatin italian duke vazhduar rrugëtimin drejt titullit të Serie A.
Rezultati u zhbllokua në minutën e 10-të kur pas një harkimi të Ashley Young realizoi Romelu Lukaku dhe me epërsi minimale u mbyll gjysma e parë.
Lautaro Martinez u kujdes për të shënuar golin e sigurisë në pjesën e dytë (67’), ndërsa Lukaku ishte në rolin e asistuesit.
Një gol të vonshëm për mysafirët e shënoi Hamed Traore (85’) duke mos arritur të rrezikonin më shumë skuadrën zikaltër.
Falë kësaj fitoreje, Interi numëron 71 pikë dhe distancohet me 11 pikë nga përcjellësi i parë, Milan.
Sassuolo mbetet në kuotën e 40 pikëve dhe qëndron e renditur në pozitën e nëntë në tabelën e Serie A. /Telegrafi/
#InterSassuolo 2-0#Lautaro (assist #Lukaku) pic.twitter.com/50jzZye5eL
— Inter Worldwide (@interworldwide_) April 7, 2021
#InterSassuolo 1-0#Lukaku (assist #Young) pic.twitter.com/vSvBYZvJC3 https://t.co/87muozcFEv
— Agostino Cannella (@AgoCannella) April 7, 2021