Christian Eriksen mund të largohet nga Interi në afatin kalimtar të janarit dhe Nerazzurrët mund ta ndërrojë atë me mesfushorin e PSG-së, Leandro Paredes.
Eriksen bëri bujë të madhe me transferimin e tij te Interi dhe pritjet e tij ishin të mëdha. Por, lojtari po luan pak dhe nuk është aspak i kënaqur.
“Kjo nuk është ajo që kam ëndërruar. Tani për tani, unë jam përqendruar vetëm në futbollin tim, atëherë do të shohim kur të hapet afati i transferimit nëse diçka do të ndodhë apo jo”, ka thënë Eriksen kohëve të fundit.
Kështu, e ardhmja e yllit danez duket gjithmonë e më larg Interit dhe një largim i tij në janar duket të jetë shumë i mundshëm.
Sipas La Gazzetta dello Sport, Interi mund të përpiqet të shkëmbejë atë me Paredesin, i cili është një shënjestër prej kohësh e Nerazzurëve.
Inter, ipotesi scambio Eriksen-Paredes con il PSG: Zhang però non vuole prestiti https://t.co/EBp0WPi6HR
— TUTTOmercatoWEB (@TuttoMercatoWeb) November 13, 2020
Ish-ylli i Empolit dhe Romës ishte afër bashkimit me Interin në të kaluarën kur klubi po negocionte transferimet e Mauro Icardit dhe Milan Skriniarit në PSG.
Gazeta italiane raporton se Interi ka marrë vetëm oferta huazimi për Eriksen deri më tani, por Presidenti Steven Zhang nuk është i gatshëm ta largojë lojtarin me një marrëveshje të përkohshme. /Telegrafi/