Drejtori i Interit, Piero Ausilio bashkohet me thirrjet e Ligës Premier për të shkurtuar afatin kalimtar të transferimeve, duke u mbyllur para nisjes së kampionatit.
Kampionati anglez, Liga Premier vendosi sot të ndalë klubet që blejnë pas nisjes së kampionatit duke e vendosur afatin e fundit të blerjeve të enjten e fundit para fillimit të sezonit.
Kjo çoi në thirrjet nga Juventusi, Torino, Roma dhe Milani për të adoptuar një sistem të ngjashëm për Serie A dhe duket se iniciativa po fiton vrull me Interit që janë bashkuar gjithashtu në këtë ide.
“Unë pajtohem me mbylljen e afatit të transferimeve disa ditë para fillimit të sezonit”, u pajtua Ausilio duke folur për Premium Sport.
“Do të ishte mirë nëse të gjitha Federatat do të mund të pajtoheshin me këtë rregull pasi u bë një treg global në nivel evropian, kështu që na nevojitet një mënyrë që është e njëjtë për të gjithë”.
“Jam absolutisht në favor të kësaj nisme”, përfundoi drejtori sportiv i Interit. /Telegrafi/