Interi nuk ka qenë në gjendje të shesë Milan Skriniar, por mund të ndahet me Denzel Dumfries për çmimin e duhur, kështu që Manchester United është i interesuar për mbrojtësin anësor.
Nerazzurrët kanë qenë të qartë se ata kanë nevojë për shitje për të balancuar librat, duke sjellë një fitim prej 60 milionë euro deri në qershor të 2023, në mënyrë që të qëndrojnë në një nivel të barabartë.
Skriniar ishte konsideruar si sakrifica e madhe që duhej bërë, por Paris Saint-Germain dhe Tottenham Hotspur nuk arritën çmimin e kërkuar prej 80 milionë euro dhe me Gleison Bremer tani në Juventus, nuk ka as zëvendësues të gatshëm.
Sipas mediumi Calciomercato.com, lojtari i madh që mund të shitet në vend të tij është Dumfries, i cili u bashkua vetëm një vit më parë nga PSV Eindhoven për 13.7 milionë euro.
Ai shënoi pesë gola dhe siguroi pesë asistime në 33 ndeshje të Serie A, duke trefishuar vlerën e tij në tregun e transferimeve, pasi Interi ka vendosur një çmim prej 40 milionë euro për 26-vjeçarin.
#Inter, sirene inglesi su #Dumfries: #tenHag lo vuole allo #United. E al giusto prezzo #Marotta non si opporrebbe… https://t.co/Tsj6sLRCpL
— calciomercato.com (@cmdotcom) July 23, 2022
Manchester United po tregon interes për holandezin Dumfries dhe gjatë ditëve të ardhshme mund të ketë një ofertë.
Ndërkohë, Interi tashmë ka zëvendësuesin e tij, pasi nënshkroi Raoul Bellanova nga Cagliari si huazim për 3 milionë euro me detyrim blerje për 7 milionë euro. /Telegrafi/